Испания чемпионатининг 34-тури доирасида “Реал Мадрид” “Сантьяго Бернабеу” стадионида “Хетафе”ни қабул қилди. Карло Анчелотти 1:0 ҳисобида минимал ғалабани нишонлади.
Ярим ҳимоячи Марко Асенсио киритилган ягона гол муаллифига айланди. Бу тўп испаниялик учун Ла Лигадаги 37-гол эди. У миллий чемпионатда “қаймоқранглилар” учун шунча гол урган афсонавий Зинедин Зиданнинг ютуғини такрорлади.
Марко жорий мавсум Ла Лигада 28 та ўйинда майдонга тушди. 27 ёшли ярим ҳимоячи 9 та гол урди ва 6 та голли узатмани амалга оширди. Унинг "Реал" билан шартномаси жорий мавсум охиригача амал қилади.
