Ispaniya chempionatining 34-turi doirasida “Real Madrid” “Santyago Bernabeu” stadionida “Xetafe”ni qabul qildi. Karlo Anchelotti 1:0 hisobida minimal g‘alabani nishonladi.

Yarim himoyachi Marko Asensio kiritilgan yagona gol muallifiga aylandi. Bu to‘p ispaniyalik uchun La Ligadagi 37-gol edi. U milliy chempionatda “qaymoqranglilar” uchun shuncha gol urgan afsonaviy Zinedin Zidanning yutug‘ini takrorladi.

Marko joriy mavsum La Ligada 28 ta o‘yinda maydonga tushdi. 27 yoshli yarim himoyachi 9 ta gol urdi va 6 ta golli uzatmani amalga oshirdi. Uning "Real" bilan shartnomasi joriy mavsum oxirigacha amal qiladi.