«Бенфика»нинг чап қанот ҳимоячиси Алехандро Гримальдо «Байер» билан келишиб олди.
27 ёшли футболчи июнь ойида ниҳоясига етадиган Лиссабон клуби билан шартномани узайтирмади.
Инсайдер Фабрицио Романонинг сўзларига кўра, мавсум якунлангач, испаниялик футболчи эркин агент сифатида «Байер»га ўтади.
Футболчи аллақачон 2027 йилгача мўлжалланган шартнома имзолаган ва леверкузенликлар сафида тиббий кўрикдан ўтган.
Алехандро Гримальдо 2016 йилдан бери «Бенфика» сафида тўп тепади. Жорий мавсумда у 52 та учрашувда майдонга тушиб, 7 та гол ва 15 та голли узатмага муаллифлик қилди.
