«Benfika»ning chap qanot himoyachisi Alexandro Grimaldo «Bayer» bilan kelishib oldi.
27 yoshli futbolchi iyun oyida nihoyasiga yetadigan Lissabon klubi bilan shartnomani uzaytirmadi.
Insayder Fabrisio Romanoning so‘zlariga ko‘ra, mavsum yakunlangach, ispaniyalik futbolchi erkin agent sifatida «Bayer»ga o‘tadi.
Futbolchi allaqachon 2027 yilgacha mo‘ljallangan shartnoma imzolagan va leverkuzenliklar safida tibbiy ko‘rikdan o‘tgan.
Alexandro Grimaldo 2016 yildan beri «Benfika» safida to‘p tepadi. Joriy mavsumda u 52 ta uchrashuvda maydonga tushib, 7 ta gol va 15 ta golli uzatmaga mualliflik qildi.
