Суперлига 10-турида ўз майдонида «Бунёдкор»ни мағлуб этган «Нефтчи» клуби бош мураббийи Виталий Левченко ўйин, рақиб, асосий таркибда Назаровнинг майдонга туширилиши ва қайси футболчилар ёшлар жамоасига асосий таркибга кириши мумкинлиги ҳақидаги саволларга жавоб берди.

«Икки тенг кучли жамоалар ўйинида ғалабага муносиби ютди. Бугун биз турнир жадвалида ёнма-ён бораётган икки муносиб рақибнинг ўйинини кузатдик. Айтишим мумкинки, ўйин жиҳатидан ҳам, сифат жиҳатидан ҳам жамоалар бир-бирига яқинроқ. Бугун ким биринчи гол урса, шу жамоа ютарди. Қувонарли томони, бу голни биз урдик», - деди Левченко.

«Аввалги ўйинларда айрим футболчилар бироз чарчаб қолишди. Ўйинларда ротация қилишга мажбур бўлаяпмиз. Бугун ким кўпроқ тайёр бўлса, шулар майдонга тушаяпти. Қолаверса, бугун захирадан майдонга туширилган ёшлар ҳам ўйинга яхши киришишди».

“Тўраев ҳозиргача барча ўйинларда майдонга тушганди. Сўнгги учта ўйинимизда 6 очко йўқотдик, шунинг учун балки дам олиши керакдир деб унга дам бердик. Назаровни «Юниред»га қарши ўйинини кузатдик ва ёмон таассурот қолдирмади, дея оламан. Бугун шу боис унга имкон бердик”.

«Ёшлар жамоаси ўйинларини кузатиб бораяпмиз. Улар орасида Валиев, Рўзиев каби ёшларни ажратиб кўрсата оламан. Улар асосий таркибга ҳам жалб қилинаяпти. Бошқалар ҳам жалб қилиниши мумкин. Ҳозир уларнинг ёшлар таркибида ўйнаб маҳорат тўплашлари фойдалироқ. Уларни кузатаяпмиз ва асосий таркибга жалб этиш учун доим тайёрмиз».