Лондоннинг «Челси» клуби ярим ҳимоячиси Мэйсон Маунт жамоага аргентиналик мутахассис Маурисио Почеттино келишига қарамай, «аристократлар» лагерини тарк этишни режалаштирмоқда. Бу ҳақда журналист Жейк Штайнберг хабар берди.

Почеттино футболчини «Стэмфорд Бриж»да сақлаб қолмоқчи, бироқ Мэйсоннинг ўзи бошқача фикрда.

Ярим ҳимоячига асосий даъвогар «Ливерпуль» ҳисобланади. Унинг трансферига «Манчестер Юнайтед» ҳам қизиқмоқда.

Маунт «Челси» академиясининг битирувчисидир. Ярим ҳимоячи жорий мавсум Англия премьер-лигасида 24 та ўйинда майдонга тушиб, 3 та гол урди ва 2 та голли узатмага муаллифлик қилган.