«Реал Мадрид» ёзги трансфер ойнасида катта шартномаларни имзолаши мумкин.
Fichajes журналистларининг фикрича, Марокаш терма жамоаси ва «ПСЖ»нинг қанот ҳимоячиси Ашраф Ҳакимий «қироллик» клуби қизиқиш доирасига тушган.
24 ёшли ҳимоячи «Реал Мадрид» академияси битирувчиси ҳисобланади. «Қаймоқранглилар» таркибида у 2017 йилдан 2020 йилгача ўйнаган.
Ашраф 2021 йилдан бери Париж грандида ўйнаб келмоқда. Томонлар ўртасидаги меҳнат шартномаси 2025/2026 йилги мавсум охиригача ҳисобланган.
Transfermarkt унинг нархини 70 миллион еврога баҳоламоқда.
Франция чемпионатининг жорий мавсумида Ҳакимий 27 та ўйин ўтказиб, 5 та гол урди ва 3 та голли узатмани амалга оширди.
