«Real Madrid» yozgi transfer oynasida katta shartnomalarni imzolashi mumkin.

Fichajes jurnalistlarining fikricha, Marokash terma jamoasi va «PSJ»ning qanot himoyachisi Ashraf Hakimiy «qirollik» klubi qiziqish doirasiga tushgan.

24 yoshli himoyachi «Real Madrid» akademiyasi bitiruvchisi hisoblanadi. «Qaymoqranglilar» tarkibida u 2017 yildan 2020 yilgacha o‘ynagan.

Ashraf 2021 yildan beri Parij grandida o‘ynab kelmoqda. Tomonlar o‘rtasidagi mehnat shartnomasi 2025/2026 yilgi mavsum oxirigacha hisoblangan.

Transfermarkt uning narxini 70 million yevroga baholamoqda.

Fransiya chempionatining joriy mavsumida Hakimiy 27 ta o‘yin o‘tkazib, 5 ta gol urdi va 3 ta golli uzatmani amalga oshirdi.