Чоршанба куни тунда "Манчестер Сити" "Реал"ни 4:0 ҳисобида мағлуб этиб, Чемпионлар лигаси финалига йўл олди.

Иккинчи бўлим давомида “шаҳарликлар” бош мураббийи Хосеп Гвардиола тўпни йўқотиб қўйган Кевин де Брюйненинг ҳаракатларидан норозилигини билдирди. Бельгиялик футболчи испаниялик мураббийнинг танқидини қабул қилмади.

"Овозингни ўчир!" - деб бақирди де Брюйне "Манчестер Сити" мураббийлар ўриндиғи томон. Футболчининг сўзлари камерага тушиб қолган, деб ёзмоқда Goal портали.

Айтиш жоизки, футболчи алмаштирилганидан кейин Гвардиола Де Брюйнени қучоқлаб олди. Кўриниб турибдики, мураббий ва футболчи ўртасида ҳеч қандай муаммо йўқ.

Эслатиб ўтамиз, Чемпионлар лигаси финалида "Манчестер Сити" "Интер"га қарши баҳс олиб боради.