"Бавария"нинг собиқ президенти Карл-Хайнц Румменигге "Бавария"га қайтмоқда, деб хабар беради Sport Bild.

Манбага маълум бўлишича, 67 ёшли функционер клуб кузатув кенгашига киради ва таркибни режалаштириш ва трансферларда ёрдам беради. Румменигге 2002 йилдан 2021 йилгача Мюнхен гранди бошқаруви раиси бўлган. Кейин унинг ўрнига яқинда ишдан бўшатилган Оливер Кан ушбу лавозимда ишлади.

Бундеслиганинг 2022/2023 йилги мавсуми якунида “Бавария” мамлакат чемпионига айланди. Охирги турда “Бавария” “Боруссия”нинг хатосидан унумли фойдаланиб, тўплар нисбати бўйича Дортмунддан ўзиб кетди.