Тез орада "Челси" бош мураббийи лавозимига тайинланадиган Маурисио Почеттино Лиссабоннинг "Спортинг" клуби ярим ҳимоячиси Мануэль Угарте билан шартнома имзолашга рози бўлди.
Журналист Фабрицио Романонинг ёзишича, аргентиналик мутахассис уругвайликни жамоа лагеридаги ўрнини кафолатламоқчи.
"Челси" Мануэлнинг трансфери бўйича фаол музокаралар олиб бормоқда. "Кўклар" 60 миллион евро товон пули тўлашга тайёр, аммо клуб ҳали футболчининг ўзини тўлиқ ишонтира олмади.
Инглиз клуби Угартенинг агенти Хорхе Мендеш билан алоқада бўлиб турибди. Ярим ҳимоячига яна бир жиддий даъвогар Франциянинг "ПСЖ" клуби ҳам товон пулини тўлашга тайёр.
