Пауло Дибала Европа Лигасининг ушбу мавсумида энг яхши тўпурарлар тўртлигига кирди.

“Рома” форварди финалда “Севилья”га қарши баҳснинг 34-дақиқасида Жанлука Манчинининг узатмасидан гол уриб, ҳисобни очди. Аммо якунда римликлар пенальтилар сериясида андалусияликларга имкониятни бой бериб қўйишди.

Умуман олганда, ўтган ёзда римликлар сафига эркин агент сифатида ўтган аргентиналик футболчи ЕЛда 5 та гол урди. Ундан фақат Маркус Рэшфорд (“Манчестер Юнайтед”) ва Виктор Бонифасе (“Унион”) олдинда – уларда 6тадан гол бор.

“Фейеноорд” футболчиси Сантьяго Хименес ҳам 5 та гол урди.