"Унион" томонидан ижарага олинган "Порту" ҳимоячиси Диогу Лейте немис жамоаси билан тўлиқ шартнома имзолади, деб хабар беради клуб расмий сайти.
24 ёшли португалиялик учун товон пули 7,5 миллион еврони ташкил қилган. Март ойида ҳимоячи Португалия терма жамоасига чақирув олди, бироқ Люксембургга қарши ўйинда захирада қолдирилди.
Ўтган мавсумда Лейте 40 та ўйинда майдонга тушиб, голли узатмага муаллифлик қилган.