"Интер" ҳужумчиси Ромелу Лукаку жамоада қолишни истамоқда. Журналист Фабрицио Романонинг твиттердаги саҳифасида хабар беришича, бельгиялик ҳужумчи фаолиятини ижара асосида ўйнаётган ҳозирги клубида давом эттириш устувор вазифа ҳисобланади.
"Челси" ва "Интер" ўртасидаги музокаралар ҳозирча муҳокама қилинмаган. Милан жамоаси "Манчестер Сити" билан тўқнаш келадиган Чемпионлар Лигаси финалидан кейин ҳаммаси тезлашиши керак.
Ҳужумчининг “Интер”даги ижараси мавсум охирида тугайди. Унинг "Челси" билан шартномаси 2026 йилнинг ёзига қадар амал қилади.
30 ёшли Лукаку жорий мавсумда 33 та ўйин ўтказиб, 13 та гол урди ва 6 та голли узатмани амалга оширди.