"Арсенал" "Вест Хэм" ярим ҳимоячиси Деклан Райсни сотиб олади, деб хабар беради Daily Mail.
Нашрнинг ёзишича, футболчи Премьер-лигада қолишни истайди ва “Бавария”га ўтиш ниятида эмас.
Аввалроқ Мюнхен клуби бош мураббийи Томас Тухель ярим ҳимоячи билан телефон орқали мулоқот қилгани ва унинг "Бавария"га ўтишига қизиқиш билдиргани ҳақида хабар берилганди.
24 ёшли англиялик футболчи 2017 йилнинг ёзидан буён “Вест Хэм” сафида тўп сурмоқда. Унинг амалдаги шартномаси 2024 йилнинг июнигача мўлжалланган.
Райс жорий мавсумда барча турнирларда 49 та ўйинда майдонга тушиб, 5 та гол урди ва 4 та голли узатмани амалга оширди.