"Arsenal" "Vest Xem" yarim himoyachisi Deklan Raysni sotib oladi, deb xabar beradi Daily Mail.
Nashrning yozishicha, futbolchi Premyer-ligada qolishni istaydi va “Bavariya”ga o‘tish niyatida emas.
Avvalroq Myunxen klubi bosh murabbiyi Tomas Tuxel yarim himoyachi bilan telefon orqali muloqot qilgani va uning "Bavariya"ga o‘tishiga qiziqish bildirgani haqida xabar berilgandi.
24 yoshli angliyalik futbolchi 2017 yilning yozidan buyon “Vest Xem” safida to‘p surmoqda. Uning amaldagi shartnomasi 2024 yilning iyunigacha mo‘ljallangan.
Rays joriy mavsumda barcha turnirlarda 49 ta o‘yinda maydonga tushib, 5 ta gol urdi va 4 ta golli uzatmani amalga oshirdi.
