Шанба оқшомида Лионель Месси мавсум якунида жамоани тарк этишини расман эълон қилди. Ушбу эълондан кейин бир неча соат ичида "ПСЖ" ижтимоий тармоқлардан бирида миллиондан ортиқ обуначини йўқотди! Кўринишидан, Париж клуби аккаунтига фақат Мессининг у ердаги ўйини учунгина жуда кам одам обуна бўлган.
Эслатиб ўтамиз, мавсумнинг сўнгги учрашувида "ПСЖ" ўз майдонида "Клермон"га 2:3 ҳисобида имкониятни бой берган эди.
Умуман олганда, Месси "ПСЖ" сафида 75 та ўйинда майдонга тушди. Уларда юлдуз форвард 32 та гол урди ва шерикларига 35 та голли узатма берди.
