Лионель Мессининг келажаги футбол оламида энг кўп муҳокама қилинадиган мавзулардан бири бўлиб қолмоқда. "Олтин тўп"нинг етти карра ғолиби шанба куни "ПСЖ"ни тарк этишини эълон қилди. Лекин Месси фаолиятини қаерда давом эттиради? Миш-мишлар 35 ёшли аргентиналик футболчини "Барселона", "Ал-Ҳилол", "Интер Майами" ва ҳаттоки "Челси" билан боғламоқда.
GOAL нашрининг журналист Пабло Гравеллонега таяниб хабар беришича, Мессида Премьер-лигада яна бошқа вариант бор. Яъни, "Ньюкасл" ҳам юлдуз футболчи учун курашга кирмоқчи.
Айтиш жоизки, "Ньюкасл" эгалари алмашганидан кейин яхши молиявий имкониятларга эга. Бундан ташқари, кейинги мавсумда жамоа 20 йил ичида биринчи марта Чемпионлар лигасида ўйнайди.