Lionel Messining kelajagi futbol olamida eng ko‘p muhokama qilinadigan mavzulardan biri bo‘lib qolmoqda. "Oltin to‘p"ning yetti karra g‘olibi shanba kuni "PSJ"ni tark etishini e’lon qildi. Lekin Messi faoliyatini qayerda davom ettiradi? Mish-mishlar 35 yoshli argentinalik futbolchini "Barselona", "Al-Hilol", "Inter Mayami" va hattoki "Chelsi" bilan bog‘lamoqda.
GOAL nashrining jurnalist Pablo Gravellonega tayanib xabar berishicha, Messida Premyer-ligada yana boshqa variant bor. Ya’ni, "Nyukasl" ham yulduz futbolchi uchun kurashga kirmoqchi.
Aytish joizki, "Nyukasl" egalari almashganidan keyin yaxshi moliyaviy imkoniyatlarga ega. Bundan tashqari, keyingi mavsumda jamoa 20 yil ichida birinchi marta Chempionlar ligasida o‘ynaydi.