"Ман Сити" ҳужумчиси Эрлинг Холанд "Олтин бутса"ни қўлга киритди.
Норвегиялик футболчи Премьер-лигада 36 та гол уриб, 72 очко жамғарган (Премьер-лигадаги 36 гол иккига кўпайтирилган – турнир коеффициенти).
Айрим чемпионатлар (масалан, Туркия) футболчиларида Холандни мағлуб этиш учун назарий имкониятлар сақланиб қолганига қарамай, “Олтин бутса”ни тақдим этувчи Европа спорт медиа ташкилоти таркибига кирувчи Испаниянинг Marca газетаси Эрлингни расман ғолиб деб эълон қилди.
"Тоттенхэм" ҳужумчиси Харри Кейн 30 гол ва 60 очко билан иккинчи бўлди. “ПСЖ” ҳужумчиси Килиан Мбаппе 29 гол ва 58 очко билан учинчи ўринни эгаллади.
Холанддан олдин ўша пайтда "Бавария"да ўйнаётган Роберт Левандовски икки йил кетма-кет ушбу совринни қўлга киритганди. Бу мавсумда “Барселона” футболчиси 23 гол ва 46 очко билан еттинчи ўринни эгаллади.
