Ногирон-ампутант футболчилар ўртасидаги бўлиб ўтган Жаҳон чемпионати финал баҳсини Калининград вилояти губернатори Николай Цуканов ҳам кузатди ва тақдирлаш маросимида иштирок этди.

"Жуда зўр ўйин бўлди. Албатта, бизнинг жамоа ютишини истагандик, аммо бугун улар билан ҳақиқий спорт байрам ва матонат тақдим этишди. Бундай ажойиб футбол ўйнаш ҳар кимга ҳам насиб қилавермайди. Спортчилар кўрсатган ўйин мени ҳайратлантирди. Бизнинг терма жамоага бироз омад етишмади. Лекин бугун стадионга ташриф буюрган мухлислар футбочлиларимиздан миннатдор бўлишди. Навбатдаги чемпионатда Россия ғолибликни қўлга киритади, деган умиддаман", деди Николай Цуканов.

Губернатор Россия терма жамоаси дарвозабони Егор Путикиннинг ҳаракатларини эътироф этди ва унга махсус совринни топширди. У футболчиларга омад ва ғалабалар тилади.

Шунингдек, ёпилиш маросимида Россия ногиронлар футболи федерацияси президенти Георгий Луначарский ва Россия футбол иттифоқи президенти Николай Толстих иштирок этишди ва улар иштирокчи жамоаларга миннатдорчилик билдиришди.

Маросим сўнгида учинчи ўринни эгаллаган Туркия терма жамоаси футболчиларига 5 минг, иккинчи ва биринчи ўринни олган Россия ва Ўзбекистон футболчиларига эга эса 10 ва 20 минг долларга сертификат топширилди.

Ўзбекистон терма жамоаси Калининград вилояти губернатори Николай Цуканов ва шаҳар ҳокими Александр Ярошукка миллий зарбоп чопонлар ҳадя қилинди.