Хвича Кварацхелиянинг отаси Бадри Кварацхелия ўғли ўйнашни орзу қиладиган клуб номини айтди.
Ўтмишда футболчи бўлган фахрий Кварацхелиянинг сўзларига кўра, бу "Реал Мадрид"дир.
"Унинг орзуси ва асосий мақсади - "Реал" либосида Чемпионлар лигасида ғалаба қозонишдир. Шунингдек, Хвича Грузия терма жамоаси билан қандайдир муҳим ютуқларга эришмоқчи", - деди футболчининг отаси.
Хвича Кварацхелия ўтган йили "Наполи"га кўчиб ўтган эди, клуб иқтидорли футболчини сотмоқчи эмаслигини бир неча бор таъкидлаган.