Мюнхеннинг “Бавария” клуби ҳужумчиси Садио Мане Саудия Арабистони клубларининг трансфер мақсади ҳисобланади. Журналист Флориан Плеттенбергнинг ёзишича, маҳаллий клублар сенегаллик футболчини таклиф қилишга жиддий қизиқиш билдирмоқда.
Манбанинг таъкидлашича, "Бавария" ва Маненинг ўзига ҳозирча ҳеч қандай расмий трансфер таклифи олмаган. Олдинроқ Садио "Бавария"да яна камида бир мавсум қолишни истаётгани ҳақида ўз позициясини билдирганди. Агар Мане ёзда Саудия Арабистонига ўтмасликка қарор қилса, маҳаллий клублар уни бир йилдан кейин қўлга киритишга ҳаракат қилишади.
Мане Германия Бундеслигасида дебют мавсумини 25 учрашувда 7 гол ва 5 голли узатма билан якунлади.
