"Манчестер Сити" бош мураббийи Хосеп Гвардиола ЕЧЛдаги ғалабасидан сўнг фикр билдирди. Турнирнинг финал учрашувида “шаҳарликлар” Миланнинг “Интер” жамоасини мағлуб этишди ва тарихда илк бор Чемпионлар кубогини қўлга киритишди.

“Кўпчилик буни уддалай олмаслигимизни, жамоа етарли даражада яхши эмаслигини айтишди. Балки мени етарлича қобилиятсиз деб ҳисоблашгандир. Менга Чемпионлар лигаси ёқади, чунки бу турнирда тарих яратилган. Аммо энди олти йил ичида беш марта Премьер-лига чемпионлигини қўлга киритганим учун менга миннатдорчилик билдиринг", деди испаниялик мураббий Sky Sports нашрига.