"Аякс"нинг собиқ бош мураббийи Петер Бош Эйндховеннинг ПСВ клубини бошқаришга киришди. Бу ҳақда клуб расмий сайти маълум қилди.
Маълум қилинишича, 59 ёшли мутахассиснинг Эйндховен клуби билан шартномаси 3 йилга мўлжалланган.
"Ушбу катта клубда бош мураббий бўлиш жуда ёқимли. Бу ерда ўзимни дарҳол уйдагидек ҳис қилдим. ПСВ ҳам, мен ҳам совринларга чанқоқмиз. Мақсадимиз келаси йили Эредивизион чемпионлигини қўлга киритиш", - дейди Бош.
Эслатиб ўтамиз, Бош аввалроқ "Аякс"дан ташқари "Лион", "Байер" ва Дортмунднинг "Боруссия" клубларини ҳам бошқарган.
Айнан нидерландиялик мутахассис қўл остида “Аякс” 2017 йилда Европа лигаси финалига қадар етиб борган ва унда “Манчестер Юнайтед”га имкониятни бой берганди (0:2).
