“Бетис” ва Португалия терма жамоасининг таянч ярим ҳимоячиси Уильям Карвалью жамоасини ўзгартиришга яқин турибди.
Relevo нашрининг хабар беришича, ярим ҳимоячи "Бетис" клубидаги беш йиллик фаолиятидан сўнг Саудия Арабистонига боришни режалаштирган.
2018 йилдан бери Европа чемпиони Карвалью “Бетис” либосида барча мусобақаларда 178 та ўйин ўтказди.
Transfermarkt портали жорий клуби билан шартномаси 2026 йилда тугайдиган 31 ёшли ярим ҳимоячининг нархини 14 миллион еврога баҳоламоқда.
Эслатиб ўтамиз, жорий йил бошидан Саудия Арабистони чемпионати Криштиану Роналду, Карим Бензема ва Н’Голо Канте каби футбол юлдузлари билан тўлдирилди.
