Жуд Беллингем пайшанба куни "Реал Мадрид" футболчиси сифатида таништирилди. Олдинроқ Дортмунднинг "Боруссия" клубига ярим ҳимоячи учун мадридликлар 103 миллион евро тўлаши ҳақида хабар берганди.
Бу сумманинг яна 30 фоизини дортмундликлар бонус сифатида ишлаб олишлари мумкин бўлади. Мадриддаги биринчи матбуот анжуманида Беллингем ўзининг нархи ҳақида гапирди.
“Биламан, улар мен учун жуда кўп пул тўлашди, лекин менга барибир. Мен адвокат ёки бухгалтер эмасман. Мен футболчиман ва бу ерда футбол ўйнаш учун келганман”, деди Беллингем журналистларга.
Эслатиб ўтамиз, "Реал Мадрид" сафида Жуд Беллингем бешинчи рақам остида ўйнайди. Июнь ойи охирида футболчи 20 ёшга тўлади.
