Саудия Арабистони клублари Европа футбол юлдузлари билан маҳаллий чемпионатни кучайтиришга уринишларини давом эттирмоқда.
Про лига жамоалари радаридаги яна бир ўйинчи - "Аякс" ҳужумчиси Стивен Бергвейн. FCUpdate маълумотларига кўра, Голландия терма жамоаси футболчиси дарҳол бир қанча араб клубларининг эътиборини тортди, бироқ бу жамоаларнинг номи ва мумкин бўлган келишув шартлари ошкор этилмаган. Маълумки, яқин орада Бергвейн бўйича расмий таклиф тушиши мумкин.
Эслатиб ўтамиз, Стивен Бергвейн "Аякс"га 2022/23 йилги мавсум бошланишидан олдин "Тоттенхэм"дан кўчиб ўтганди.
У Амстердам клуби учун барча мусобақаларда 45 та ўйинда майдонга тушиб, 16 гол ва 6 голга ассистентлик қилган.
Transfermarkt портали 25 ёшли ҳужумчининг нархини 24 миллион еврога баҳоламоқда.