"Ал-Ҳилол" "Вулверхэмптон" ярим ҳимоячиси Рубен Невеш билан шартнома имзолаганини эълон қилди. 26 ёшли португалиялик футболчи билан 3 йиллик шартнома имзоланган.
“Бўрилар” матбуот хизмати бу трансферни клуб учун рекорд деб атади. Relevo аввалроқ "Ал-Ҳилол" 55 миллион евро тўлаши ҳақида хабар берган эди.
Невеш 2017 йилдан бери "Вулверхэмптон" сафида тўп тепиб келди. “Бўрилар” сафида 253 та ўйинда 30 та гол урди ва 13 та голли узатмани амалга оширди.
2022/23 йилги мавсумда у “бўрилар” сафида 41 та ўйинда майдонга тушиб, 6 та гол урди ва 1 та голли узатмани амалга оширди.
