"Al-Hilol" "Vulverxempton" yarim himoyachisi Ruben Nevesh bilan shartnoma imzolaganini e’lon qildi. 26 yoshli portugaliyalik futbolchi bilan 3 yillik shartnoma imzolangan.
“Bo‘rilar” matbuot xizmati bu transferni klub uchun rekord deb atadi. Relevo avvalroq "Al-Hilol" 55 million yevro to‘lashi haqida xabar bergan edi.
Nevesh 2017 yildan beri "Vulverxempton" safida to‘p tepib keldi. “Bo‘rilar” safida 253 ta o‘yinda 30 ta gol urdi va 13 ta golli uzatmani amalga oshirdi.
2022/23 yilgi mavsumda u “bo‘rilar” safida 41 ta o‘yinda maydonga tushib, 6 ta gol urdi va 1 ta golli uzatmani amalga oshirdi.
