"Ди Си Юнайтед" бош мураббийи Уэйн Руни клуб "Манчестер Юнайтед"нинг собиқ футболчиси Жесси Лингардни сотиб олиши мумкинлиги ҳақидаги хабарларга муносабат билдирди.
“Бу миш-мишлар қаердан келганини билмайман. Биз у билан шартнома имзолашдан манфаатдор эмасмиз", - дея Рунидан иқтибос келтирди The Sun нашри.
30 ёшли Лингард ўтган мавсумда "Ноттингем"да ўйнаган. 20 учрашувда у 2 та гол урди ва 2 та голли узатмани амалга оширди. Июль ойи бошидан у эркин агентга айланади.
Transfermarkt Лингардни 8 млн еврога баҳолаган.