Журналист Даниэле Мари хабарига кўра, ҳужумчи Маркус Тюрам "Интер"га тиббий кўрикдан ўтиш учун келган.
Аввалроқ, ҳужумчи Италия жамоаси билан 5 йиллик шартнома имзолаши ҳақида хабар берилганди.
Тюрам 2019 йилнинг июлидан бери Мёнхенгладбахнинг "Боруссия"сида тўп тепиб келмоқда.
2022/23 йилги мавсумда у жамоа сафида барча мусобақаларда 32 та ўйинда 16 та гол урди ва 7 та голли узатмани амалга оширди. Ҳужумчининг клуб билан шартномаси 2023 йилнинг июнь ойи охиригача амал қилади.