Jurnalist Daniele Mari xabariga ko‘ra, hujumchi Markus Tyuram "Inter"ga tibbiy ko‘rikdan o‘tish uchun kelgan.
Avvalroq, hujumchi Italiya jamoasi bilan 5 yillik shartnoma imzolashi haqida xabar berilgandi.
Tyuram 2019 yilning iyulidan beri Myonxengladbaxning "Borussiya"sida to‘p tepib kelmoqda.
2022/23 yilgi mavsumda u jamoa safida barcha musobaqalarda 32 ta o‘yinda 16 ta gol urdi va 7 ta golli uzatmani amalga oshirdi. Hujumchining klub bilan shartnomasi 2023 yilning iyun oyi oxirigacha amal qiladi.













