"Сампдория"нинг янги бош мураббийи Андреа Пирло ўзининг тайинланиши ҳақида гапирди.
Генуя жамоаси ўтган мавсумни А Серияда охирги ўринда якунлаганди. Бунгача “Ювентус” ва Туркиянинг "Фотиҳ Карагюмрюк"ни бошқарган Пирло жамоани элитага қайтаришга ҳаракат қилади.
“Мен Б серияда ишлаш истиқболидан қўрқмайман. Мен қаерда мураббий бўлсам ҳам, ҳар доим ўзимнинг 100 фоиз кучимни бераман. Мен бу чақирувни катта иштиёқ билан қабул қилдим.
"Ювентус"? Мен ўтмиш ҳақида ўйламайман, келажакка қарашни афзал кўраман. Ҳозир мен бор эътиборимни “Сампдория” билан нимага эришишим кераклигига қаратганман”, - дея 44 ёшли мураббий сўзларини келтирган TMW.
