"Барселона" президенти лавозимини эгаллаб турган Жоан Лапорта клубнинг Чемпионлар лигаси мавсумига қўйилмаслиги мумкинлиги ҳақида гапирди.
"Мен Чеферин билан учрашувлар ўтказдим. Улар Негрейра ишидан фойдаланиб, бизни Чемпионлар лигасидан чиқариб юборишни хоҳлашди.
Лекин бизни судсиз жазолаш мумкин эмас. Биз Чемпионлар Лигаси учун ариза бердик ва йўлимизни тўсиб қўйишимиз мумкинлиги ҳақида ҳеч қандай хабар йўқ эди.
Негрейра иши мисли кўрилмаган туҳмат можаросидир. Биз барча фактларни ошкор қилишдан биринчи бўлиб манфаатдормиз. Биз охиригача курашамиз", - деди Лапорта.
Эслатиб ўтамиз, ўтган мавсумда "Барселона" Испания чемпиони бўлганди.
