"Эвертон" ўз сардори Шеймус Коулман билан шартномани узайтирганини маълум қилган эди. Шундай кейин футболчи бу ҳақида фикр билдирди. У шундай дейди:
"Ҳамма "Эвертон" мен учун нимани англатишини яхши билади. Мен 14 йилдан бери шу жамоа билан биргаман. Оилам, дўстларим ва бутун борлиғим шу ерга боғланган. Клуб мухлисларини яхши кўраман. "Эвертон" сардори бўлиш мен учун катта шараф. Буни қадрлайман".
34 ёшли ҳимоячи 2009 йилдан бери мерсисайдликлар сафида ҳаракат қилади. У жами 409 та ўйинда майдонга тушган.