"Бавария" ҳимоячиси Альфонсо Дэвис фаолиятини давом эттириш учун устувор вариант ҳақида қарор қабул қилди.
Bild нашри журналистларига маълум бўлишича, канадалик футболчи фаолиятини "Реал"да давом эттирмоқчи.
Футболчининг трансферига "қироллик клуби" ҳам қизиқиш билдирмоқда. Келишув кейинги ёзда, Альфонсонинг "Бавария" билан шартномаси тугашига бир йил қолганида якунланиши мумкин. Мадридликлар шу орқали Дэвиснинг трансфер нархи тушишини кутмоқда.
22 ёшли ҳимоячи "Бавария" сафида 2019 йилнинг январь ойидан бери ўйнаб келмоқда. Transfermarkt футболчини 70 миллион еврога баҳоламоқда.
