Фабрицио Романо ўзининг Youtube каналидаги янги видеосида Килиан Мбаппенинг келажаги ҳақида янги маълумотлар билан ўртоқлашди. Бу маълумотлар портловчи интервьюдан сўнг пайдо бўлди, унда француз "ПСЖ"ни "қироллар бўлинган клуб" деб атаган.
Инсайдер маълумотларига кўра, бу интервью ечиниш хонасида катта шов-шувга сабаб бўлган. Шу даражага етдики, бир қанча футболчилар унинг устидан клуб президенти Носир Ал-Хелайфийга шикоят қилишди. Романо бу маълумотни тасдиқлади.
“Ҳа, бу ҳақиқат эди. Улар Мбаппенинг интервьюда айтган айрим гаплари учун Ал-Хелайфийга шикоят қилишди. Клуб Мбаппенинг сўзларидан норози бўлди. Улар вазиятни имкон қадар тезроқ ҳал қилмоқчи”, - деди Романо. - Агар Мбаппе шартномани узайтирмаса, у сотувга қўйилади. "ПСЖ" нархини музокаралар вақтида эълон қилади, аммо ҳозирча бу аниқ эмас, чунки клуб футболчининг жавобини кутмоқда.
"Менинг фикримча, Мадрид клуби билан 2024 йил учун шартнома тайёр. Биз буларни юз фоиз тасдиқлай олмаймиз, лекин катта эҳтимол Килиан Парижда қолмайди.
"Реал Мадрид"га келсак, улар Мбаппе билан бўлган воқеанинг барча босқичларини жуда яхши билишади. Айни пайтда улар жуда жим, улар ҳеч қандай оммавий баёнотлар қилмаяпти, чунки ўтмишда "ПСЖ" Килианнинг ҳолати ҳақидаги баёнотларидан жуда норози эди. Аммо мадридликлар "ПСЖ"дан ёзда унинг нархини белгилашини ёки кейинги йили бепул қўлга киритишни кутмоқда. "ПСЖ" ўйинчига "Ливерпуль" ёки бошқа АПЛ клублари даъвогарлик қилмаётганига, фақат "Реал Мадрид" қизиқаётганига амин.
"ПСЖ" нима учун Мбаппе шартномасини яна бир йил учун узайтиришга рози бўлмаётганини тушунмаяпти", – деди Романо ўз каналида. "Агар Мбаппе яна бир мавсум Парижда қолишни истаса, келинг, шартномани 2025 йилгача узайтириш борасида келишиб олайлик, кейин эса 2024 йилнинг ёзида сизни хоҳлаган клубга сотишимиз мумкин", - деди клуб раҳбарияти.
Аммо футболчининг шахсий позициясини ҳурмат қилиш керак. Ундан "ПСЖ" билан шартномани узайтириш борасида ҳеч қандай хабар йўқ. Унинг айтган ягона нарсаси шундаки, футболчи битимни бир йилга узайтириш вариантидан фойдаланмоқчи эмас, шунинг учун бир мавсумга янги шартнома бўйича алоҳида музокаралар олиб борилиши шарт эмасдек. Демак, вазият жуда таранг ва ҳозирча якуний жавоб йўқ.
