Fabrisio Romano o‘zining Youtube kanalidagi yangi videosida Kilian Mbappening kelajagi haqida yangi ma’lumotlar bilan o‘rtoqlashdi. Bu ma’lumotlar portlovchi intervyudan so‘ng paydo bo‘ldi, unda fransuz "PSJ"ni "qirollar bo‘lingan klub" deb atagan.
Insayder ma’lumotlariga ko‘ra, bu intervyu yechinish xonasida katta shov-shuvga sabab bo‘lgan. Shu darajaga yetdiki, bir qancha futbolchilar uning ustidan klub prezidenti Nosir Al-Xelayfiyga shikoyat qilishdi. Romano bu ma’lumotni tasdiqladi.
“Ha, bu haqiqat edi. Ular Mbappening intervyuda aytgan ayrim gaplari uchun Al-Xelayfiyga shikoyat qilishdi. Klub Mbappening so‘zlaridan norozi bo‘ldi. Ular vaziyatni imkon qadar tezroq hal qilmoqchi”, - dedi Romano. - Agar Mbappe shartnomani uzaytirmasa, u sotuvga qo‘yiladi. "PSJ" narxini muzokaralar vaqtida e’lon qiladi, ammo hozircha bu aniq emas, chunki klub futbolchining javobini kutmoqda.
"Mening fikrimcha, Madrid klubi bilan 2024 yil uchun shartnoma tayyor. Biz bularni yuz foiz tasdiqlay olmaymiz, lekin katta ehtimol Kilian Parijda qolmaydi.
"Real Madrid"ga kelsak, ular Mbappe bilan bo‘lgan voqeaning barcha bosqichlarini juda yaxshi bilishadi. Ayni paytda ular juda jim, ular hech qanday ommaviy bayonotlar qilmayapti, chunki o‘tmishda "PSJ" Kilianning holati haqidagi bayonotlaridan juda norozi edi. Ammo madridliklar "PSJ"dan yozda uning narxini belgilashini yoki keyingi yili bepul qo‘lga kiritishni kutmoqda. "PSJ" o‘yinchiga "Liverpul" yoki boshqa APL klublari da’vogarlik qilmayotganiga, faqat "Real Madrid" qiziqayotganiga amin.
"PSJ" nima uchun Mbappe shartnomasini yana bir yil uchun uzaytirishga rozi bo‘lmayotganini tushunmayapti", – dedi Romano o‘z kanalida. "Agar Mbappe yana bir mavsum Parijda qolishni istasa, keling, shartnomani 2025 yilgacha uzaytirish borasida kelishib olaylik, keyin esa 2024 yilning yozida sizni xohlagan klubga sotishimiz mumkin", - dedi klub rahbariyati.
Ammo futbolchining shaxsiy pozisiyasini hurmat qilish kerak. Undan "PSJ" bilan shartnomani uzaytirish borasida hech qanday xabar yo‘q. Uning aytgan yagona narsasi shundaki, futbolchi bitimni bir yilga uzaytirish variantidan foydalanmoqchi emas, shuning uchun bir mavsumga yangi shartnoma bo‘yicha alohida muzokaralar olib borilishi shart emasdek. Demak, vaziyat juda tarang va hozircha yakuniy javob yo‘q.
