Леонардо Бонуччи "Ювентус"дан Италиянинг бошқа жамоасига ўтиши мумкин.
Correira Della Serra хабарига кўра, ҳимоячининг маоши (солиқлардан ташқари 12 миллион евро) туринликлар учун жуда юқори бўлиб қолган, унинг ўзи энди лойиҳанинг бир қисми сифатида қабул қилинмаяпти.
Янги спорт директори Криштиану Жунтоли 36 ёшли футболчи учун янги жамоа излашга тайёр ва бош мураббий Массимилиано Аллегри билан биргаликда Бонуччига энди уни дахлсиз деб ҳисобламаслигини айтди.
Ҳимоячи "Ювентус"нинг собиқ бош мураббийи Андреа Пирло бошчилигидаги "Сампдория"га ўтиши мумкин. Генуяликлар 2022/23 йилги мавсум охирида иккинчи лигага тушиб кетишди ва уларга тезда А Серияга қайтишга ёрдам берадиган тажрибали футболчиларни қидирмоқда.
Ўтган чемпионатда Бонуччи 16та ўйин ўтказиб, 1та гол урган.
