"Монако" раҳбарияти таркибни "Сантос"дан келган ёш футболчи билан кучайтиришни режалаштирмоқда.
UOL хабарига кўра, монаколиклар раҳбарияти Бразилия А серияси клуби билан 18 ёшли ҳужумчи Дэвид Вашингтон бўйича шартнома имзолаш борасида музокаралар олиб бормоқда.
Хабар қилинишича, трансфер суммаси тахминан 20 миллион еврони ташкил қилиши мумкин. Франция жамоаси раҳбарияти ушбу ёзда шартнома имзолашни режалаштирмоқда.
Эслатиб ўтамиз, Дэвид бу йилдан бери "Сантос"да ўйнамоқда. Бразилия А сериясининг еттита ўйинида ҳужумчи иккита гол урди ва иккита голли узатмани амалга оширди.
