“Шеффилд Юнайтед” етакчиси Илиман Ндиайе ёзда “Марсел”га ўтиши мумкин.
Таниқли журналист Фабрицио Романонинг сўзларига кўра, томонлар ҳужумчи бўйича музокара олиб боришга тайёр.
Қайд этилишича, тез орада "Шеффилд" ва "Марсель" ўзаро келишувга эриша олади. Лига 1 клубига ўтмоқчи бўлган Ндиайе билан шартнома деярли тайёр кўринишда. Аввалроқ келишув беш йилга мўлжалланган бўлиши мумкинлиги хабар қилинганди.
Ндиайе ўтган мавсумда 52 ўйин ўтказиб, 12 гол урган ва 6 голга ассистентлик қилган. Transfermarkt портали 23 ёшли сенегаллик футболчининг нархини 18 миллион еврога баҳоламоқда.
