"Ньюкасл Юнайтед" "Монако"нинг 25 ёшли ҳимоячиси Аксель Дисасига шартнома таклиф қилди. Бу ҳақда Footmercato хабар бермоқда. Нашрнинг ёзишича, “оқ-қора”лар “Монако” билан футболчи борасида музокараларни бошлаб юборишган.
2022 йилги жаҳон чемпионати кумуш медали совриндорига “Манчестер Юнайтед” ҳам қизиқиш билдираётгани ҳақида хабарлар бўлган бўлса-да, Footmercato журналистлари “қизил иблислар” эътиборини Дисасига қаратишдан олдин янги ҳужумчи билан келишувни якунлашга эътибор қаратишларига ишонишади.
Қўшимчасига маълум қилинишича, шартнома 2025 йилнинг июнига қадар тузилади ва трансфер суммаси 40 миллион еврони ташкил қилади.
