Туриннинг “Ювентус” клуби ярим ҳимоячиси Артур Мело кейинги мавсумни ижарада ўтказишга рози бўлган шартни айтди. Эслатиб ўтамиз, бразилиялик футболчига "Фиорентина" клуби қизиқиш билдирмоқда.

Tuttosport хабарига кўра, "Ювентус" кейинги мавсум бошига қадар Артурдан қутулишни истаса, унинг маошини ошириши керак. Ҳозир томонлар фақат маошни ошириш бўйича келишиб олиш учун музокара олиб бормоқда.

26 ёшли Артурнинг шартнома муддати ўзгартирилмайди ва 2025 йилнинг ёзига қадар ҳисоблаб чиқилади, аммо янги шартнома бўйича футболчининг маоши ошиши керак. Эслатиб ўтамиз, Мело ўтган мавсумни "Ливерпуль"да ўтказган, у ерда турли жароҳатлар туфайли 1 та ўйинда иштирок этган.