Саудия Арабистони спорт вазирлиги футболчиларнинг трансфери учун жуда катта маблағ ажратди. Инсайдер Бен Жейкобснинг сўзларига кўра, ўйинчиларни харид қилиш учун тахминан 19,6 миллиард евро сарфланади.

Эслатиб ўтамиз, Криштиану Роналду, Нголо Канте, Карим Бензема, Роберто Фирмино, Сергей Милинкович-Савич ва бошқа юлдуз футболчилар аллақачон Яқин Шарққа кўчиб ўтишган.

Килиан Мбаппенинг чемпионатга ўтиши мумкинлиги ҳақида хабар берилганди. “Ал-Ҳилол” раҳбарияти ҳужумчи учун 300 миллион евро тўлашга тайёр. Футболчининг ўзига йиллик маоши 700 миллион евро бўлган шартнома таклиф қилинади.