Saudiya Arabistoni sport vazirligi futbolchilarning transferi uchun juda katta mablag‘ ajratdi. Insayder Ben Jeykobsning so‘zlariga ko‘ra, o‘yinchilarni xarid qilish uchun taxminan 19,6 milliard yevro sarflanadi.
Eslatib o‘tamiz, Krishtianu Ronaldu, Ngolo Kante, Karim Benzema, Roberto Firmino, Sergey Milinkovich-Savich va boshqa yulduz futbolchilar allaqachon Yaqin Sharqqa ko‘chib o‘tishgan.
Kilian Mbappening chempionatga o‘tishi mumkinligi haqida xabar berilgandi. “Al-Hilol” rahbariyati hujumchi uchun 300 million yevro to‘lashga tayyor. Futbolchining o‘ziga yillik maoshi 700 million yevro bo‘lgan shartnoma taklif qilinadi.
