Давид Сильва футболчилик фаолиятини якунлаганини эълон қилди. Испаниялик футболчи 37 ёшида футболчилик фаолиятини якунлади.
"Катта раҳмат... футбол", - дея изоҳ қолдирган Сильва ўз фаолиятидаги унутилмас лаҳзаларни акс эттирувчи таъсирчан видеога.
Давид Сильва сўнгги уч мавсумни "Реал Сосьедад"да ўтказди. Илгари испаниялик футболчи ўн йил давомида "Манчестер Сити"да ўйнаган ва муболағасиз, инглиз клуби афсонасига айланганди. Шунингдек, Сильва фаолияти давомида “Валенсия”, “Сельта” ва “Эйбар” клубларида ҳам ўйнаган.
Давид Сильва Испания терма жамоаси сафида 125 ўйин ўтказди. “Қизил фурия” билан футболчи жаҳон чемпионати (2010) ва икки марта Европа чемпиони (2008, 2012) бўлган.
