Мадриднинг “Реал” клуби ярим ҳимоячиси Аурелиен Тчуамени мураббийлар штабини ҳайратда қолдира олди.
Франциялик футболчи ўтган мавсумнинг иккинчи ярмини яхши ўтказмади, аммо клуб 23 ёшли футболчининг истиқболига ишонишда давом этмоқда.
Diario AS'га маълум бўлишича, Тчуамени мавсумолди даврида сезиларли ютуқларга эришди. "Реал Мадрид" раҳбарияти ва мураббийлар штаби ярим ҳимоячининг жисмоний шаклини юқори баҳолаб, уни жамоа учун муҳим ўйинчи сифатида кўришади.
Миш-мишларга кўра, "Ливерпуль" ва "Бавария" Аурелиен Тчуаменини ўз сафига жалб қилишни режалаштирган, аммо "Реал Мадрид" футболчи бўйича таклифларни кўриб чиқишдан бутунлай бош тортган.
