"Аякс" ярим ҳимоячиси Эдсон Альварес фаолиятини Англияда давом эттириши мумкин, дея хабар беради журналист Николо Скира.
Манбага кўра, 25 ёшли мексикалик футболчига "Вест Хэм" даъвогарлик қилмоқда. Лондон клуби футболчи учун 35 миллион евро таклиф қилмоқда. Олдинроқ Альвареснинг "Боруссия Д"га ўтиши муваффақиятсизликка учрагани хабар қилинганди.
Альварес "Аякс"да 2019 йилнинг июлидан буён тўп тепади, 2022/23 йилги мавсумда у жамоа сафида 44 та ўйинда 4 та гол урди ва 3 та голга ассистентлик қилди.
