«Манчестер Юнайтед»нинг янги футболчиси Расмус Хёйлунд болалигиданоқ «қизил иблислар»га мухлислик қилганини тан олди.
20 ёшли даниялик Эрик тен Хаг жамоасига 75 миллион евро эвазига кўчиб ўтди. Бонусларни ҳисобга олган ҳолда транзакция суммаси 85 миллионга етиши мумкин.
«Ҳеч кимга сир эмаски, мен болалигимдан «Манчестер Юнайтед»га мухлислик қиламан. «Манчестер Юнайтед» футболчиси сифатида «Олд Траффорд»га боришни орзу қилганман.
Мен бу имкониятдан фойдаланиб, орзуимни рўёбга чиқаришни интиқлик билан кутяпман», - дея Хёйлунднинг сўзларини келтирмоқда «Манчестер Юнайтед» расмий сайти.
Расмус «Олд Траффорд»га ўтишдан олдин «Аталанта» сафида А Серияда бор-йўғи бир мавсум ўйнади ва у ерда 9 та гол урди.